GIKUYU 389 - 365

1. Ni ukorio ni Jehova na Jesu na Roho Mutheru Gitumi wihumbe ruri ruru rwa Roho Mutheru Onania na ciiko wi wama kana wi wamaheni Mithiire yumbure.   Onania na ciiko wi wama kana Wi wa maheni, Mithiire yumbure.   2. Jesu akirutana ni erire andu menyagirirai Arutani aingi makehanania na ritwa riakwa Mahitithie andu aingi tondu makehumba Ciugo cia Ngai ta mari athingu macambithie Roho.   3. Ni makehumba ciugo cia Ngai no thiini Ni akoroku ta hiti, Meciria-ini mao ni oragani matiri tha ngoro Ni magaruraga Ngoro cia andu aria ega Makahitia makaruma Ngai.   4. Kirumi ni gietereire andu acio Mahitithagia andu aria ega njira Merirwo ni magekirwo ihiga ria githii ngingo Maikio iria iriku magomane kuu na Marakara ma Jehova.

 1.  Jehova Ngai arogocwo  Ni onanagia hinya wake  Hindi iria andu ake me rumwe  Hinya wa ngoma ukahotwo.    2.  Ririkana Israeli  Ni maciirirwo maninwo  Magia rumwe thiku ithatu  Jehova akiringa kiama.    3.  Esteri etana iruga  Hamani akirwo ni agirwo  Akieherio unene-ini wake  Ukiheo Moridekai.    4.  Mwathani niwe woigire  Uhoro uhunjio thi yothe  Nacio ciama itwaranage  Na uria wothe witikitie.    5.  Kuhonokania ni gwake  Na kuhonania ni gwake  Mahurwo maria ahurirwo  Makuire macio mothe.     6.  Jesu ni erire atumwo ake  Maturage me ngoro imwe  Na uria wothe makahoya  Ngai niakamahingiria.

1.  Jesu ni oimire Galili erekeire Jorodani  Niguo akore Johana mahingie ciiraniro.    Jorodani yama; Jesu ni atobokire  Abatithio ni Johana:  Ngai akimwita Mwana    2.  Johana ni amakire erwo ni Jesu  Ndoka mbatithio niwe tuhingie ciiraniro.    3.  Jesu akira Johana tiga kwenda kurega  Mbatithia niguo tuhingie njira ya ma na utheru.    4.  Matuku maya turi mobatithio ni maingi  Andu mabatithagio makaga irathimo.    5.  Jesu akira Johana mundu ndakanatharie  Ona kana ongerere urathi wa Jehova.    6.  Andu aingi makarira mbere ya cira wa Ngai  Tondu ni matharirie urathi wa Jehova.

1. Ngengere ni iragamba matu-ini Iraina ta nyimbo cia Araika Makiinira Jesu Mukuri Ahituki ni mugwitwo.   Wee uroka na gwake Ndugaikio na nja x2.   2. Uka murata tuciire Niguo mwathani ekuga Tiga kurora uria wi mwihia Egugutheria ta ira.   3. Thi ino ni ikugia na kiriro Jesu acoka Tondu andu aingi moriire Mehia-ini ma mithemba yothe.   4. Nii ndaciariirwo mehia-ini Ma mithemba yothe Jesu akuire mutharaba-ini Atheragie mothe.   5. Inyui munogetio ni miringo Ukai kwi Jesu riu Tiganiriai-miago ya thi Jesu ni aramwita.

1.  Athuri na atumia na aanake na airitu  Ningi na tuhii ona tuiritu  Na nduriri iria ciothe ciyurite thi    Roho uria mwekirirwo ruuri naguo  Mutikanamuiguithie uru  O nginya hindi iria muthenya ugoka  Wa kuhonokio kwa andu othe atheru    2.  Eheriai kuri inyui uhoro wothe  Wa gutuuraniria uuru ngoro na mang’urika  Ona marakara na gutetania na kurumana    3.  Ona ningi mutigate ihinda ria gwika  Maundu maria mega tondu matuku maya turi  Namo ni matuku mena wihia muingi    4.  Muku wothe uthambiei na Roho  Mwikanage maundu matheru na muohanagire mehia  Mothe ta uria Ngai nake amuohagira    5.  Riu makiria iyurwoi ni Roho Mugoce Jehova  Na thaburi mumukumie muonanie uthingu wake  Mwakite gitina kia wendani.    6.  Menyererai mithiire yanyu iria mwagiriirwo  Guthii nayo na mutigatuike ta andu aria  Akigu tuikai ta andu mari na...

1.  Muti wa Ngai uria wiragwo ni wa maciaro  Ikumi na meri;  Na ndukario ni mukararia  Ukario ni uria wina Mwathani     Nikio njugagira uria wiyugiire  Njaragiria uria wiyariirie  Nawe wa ngarari thii na wega.    2.  Kirima-ini kiu gia Zayuni  Gitigatonywo ni mukararia  Gigatonywo ni uria wina Mwathani    3.  Caitani aari muru wa Ngaì  Akienda guikarira giti gia ithe  Akirumwo na kirumi kinene  Agiikio thi atungatagire mihianano     4.  Shadraka, Misheki na Bendinego  Maikio mwaki-ini matiahiire  Witikio wao ukimahonokia    5.  Joshua muthuri waari muthingu  Arugamiirio riua ni Ngai  Tiga witikio uria aari naguo  Ndangiaringiirwo kiama.    6.  Danieli aikio irima ria miruthi  Ndiamuriire witikio wake ugituika tawa  Wa kumurikagira miruthi irima

1. Gugatuika atia muico wa thi? Atheru makihumbwo kanju Nake Caitani agitana ena iheo cia mwaki   Murata wicirie wega kana wi wa Jesu Kana nyumba yaku ni ya Caitani.   2. Jehova akoiga atia akora uhana maai Mararu Maruriire ciana cia Isiraeli Muti ugituika wa kuringa kiama Muruguo no atuike Muhonokia.   3. Aria othe matonyete na githomo ni ariku Thikiririai mumaigue ni aria endi mbia na eendi Ningi aria mendete nyimbo iria cinagirwo Shaitani.   4. Jesu wetereire ki wi iguru Hihi to nii nii nyiki umuthi Undeithie gutiga waganu na miago itari bata.   5. Roho aramitie icua niki Ni undu wa uria marumite andu Atumwo na Jehova na Jesu na Anabii Aria matuire iguru.   6. Miiago na ikeno ciothe ciathi igatukinyia naku Wicirie wega muno tondu andu aingi morite Ni mihang’o ya mwiri wao.   7. Andu aingi makahia makiugaga nia Jesu Na ciiko ciao ni ireganite na Jesu Mwaki ni ugwetereire ta uria wa Sodomu Nawe utoi Mwathani mwaki ugatuika irio ciaku

 1.  Jehova riu ni ngwenda gukugoca  Rora wone thu ciothe  Irugamite haha  Tuma tha ciaku itonye thiini wa ngoro ciao.    Nduteaga ona umwe ugukumbura  No uria wa maundu meri  Ngai wa Ibrahim ukamutugamia  Ukahura nyumba yake akugaruruka    2.  Teithia aria angi matetwo ni maundu ma thi  Wee muriithi wa lsaaka  Nduroraga uthaka no witikire nii mwihia    3.  Mutongoria wa Jakubu riu  Ndaguthaitha njitiriria Roho  Waku Mutheru ta wa Jakubu.    4.  Hotage magerio mothe  Wee wi mbere  Na miromo  ugirie kwaria na ihenya ndikehie    5.  Kuga uru utharie ibuku-ini riria ria atheru othe  Wee wa Daudi wandikire maritwa mao.    6.  Jesu uhiana ta njata iria ya kiwarii kirore wone  Ruru rwaku riu tondu thu ni nyingi ona  Manginjuraga ni ngukumbura kieha gutiri.    7.  Jehova ungikona ta ngucoka na thutha kana w...

1.  Mutunda ni wahandirwo  Ni Mwathani bururi uyu  Bururi wa ngoro yakwa  Niguo ndiraria uhoro waguo     2.  Ngihimbita itunda riaguo  Hunaga na nganyotoka  Ngarahuka ndina hinya  Roho Mutheru angite mbere.    3.  Wira ucio uri thiini wakwa  Na ndungimenywo ni mundu  Nikio ngenaga makiria niundu wa Jesu Muhonokia    4.  Ndio Muthuri  Ngwikinyira uthuri wakwa ndukaiywo  Tondu thu ciaguo ni nyingi  Na itiendaga ngagaya muoyo.    5.  Ndio Mwanake  Ngwikinyira wanake wakwa ndukaiywo  Tondu thu ciaguo ni nyingi  Na itiendaga ngagaya muoyo.    6.  Ndio Mutumia  Ngwikinyira utumia wakwa ndukaiywo  Tondu thu ciaguo ni nyingi na itiendaga ngagaya muoyo.    7.  Ndio Muiritu ngwikinyira uiritu wakwa ndukaiywo  Tondu thu ciaguo ni nyingi na itiendaga ngagaya muoyo    8.  Twiharia twohithaniirio  Turi a...

 1.  Ni ndatiira maitho Baba nguthaithe  Mwathani wa athani wanduire mugi  Umuthi uyu ndiho thuthikiire hari wee    2.  Cokereria Mwathani cokereria ngenge  Murerani muugi ucirere na uugi waku    3.  Thikiriria mwaruno wa ndungata igigwetha  Megukwira Baba cokerenia aya akwendi  Onjorana, Onjorana Wonje munene wonjetwo    4.  Anyinyi na anene megugwita na iyu  Muthamaki muugi nigetha wihunjie thi-ino  Ririkaria riita ria thakame ya muruguo.    5.  Ni mongana umaigue magitia ma yaku  Aria me irathiro na aria angi ithuiro  Honania, honania matihia matihanitio.    6.  Kinyiria Mwathani matanya ma ndungata  Ni ici cioimagara na kiugo giaku  Humbana, humbana njaga nene ya maroho.     7.  Nditumuka umuthi ndirorere magai  Maya utanahiire akiririria akunyugwo Rigita, rigita mwiki nai niage mweke.

 1.  Rugendo rwaku urumenye  Rwina mitego miingi  Ni undu ni rwihotoreirwo  Ni aria othe makuui    2.  Roho ni muira wa ngoro  Ndathuranagia ta mundu  Ndaroraga umbo wa thi  Ni muira wa ngoro theru    3.  Mutikahumbwo maitho  Ni maya mothe murona  Ithe wa atheru arona mothe  Atheru mumehugire.    4.  Muhunjirie thi na ciiko  Ni amu ni njugi namayo  Mathi mumatige o thi  Mutikahotwo ni thi    5.  Mwahotwo mukurigwo  Ni tanji iria muigiiruo  Muoyanirie uthamaki wa  Ngoro na wa mwiri.    6.  Mutigatherie ithithi  Maroho mathugutaine  Ni undu maya mari thi  Meguthirira o thi ino.    7.  Mbaara ikonii maroho  Teyaniriai mwendane  Mwihumbite thayu uria  Muhande maroho manyu.    8.  Thayu uria mugaithitio  Tiwa kwenda kwa mundu  Ni mwathani thii-ini wanyu  Atheru...

1.  Kanitha wa Ngai ni mwetwo ateithuri  Ni kiugo kia uugi hari mwendi muoyo  Mbaara ni nyone gatagati-ini kanyu  Ena uramati ni hanyu ha uugi.    2.  Mukungi akungite na waara munene  Matanya make ahurithanie ndungata  Agietherera kana ona arakari  Aya meririirie itiyo ici cia mwiri    3.  Ndungata cia Ngai cieruo ni ciitherie  Oro ndungata itherithie utungata  Aciari na aciarwo ni hanyu ha uugi  He ikinya rieru ritetirio ni etumbia    4.  Mwinoni ni amenye niaigiiruo maithori  Mwitumbia ni amenye ndangiona mwigitio  No mwirutaniria athinge na ehokeke  Ni egutongio ngoro na mbere he huni    5.  Utuuro wa iguru wa tene na tene  Unene wa iguru wa tene na tene  Ningi uthamaki wa tene na tene  Mwago na riri muigiiruo    6.  Ona mwokirirwo muri agai a muoyo  Mwatura muri rumwe na uria wamwitire  Niwe muthuthuria wa maroho manyu ...

1.  Elijah ndungata ya Ngai nionire Uhoti wa uria wombire iguru na thi Ona uuge akiuga othe a Baali moragwo Tiganai na mihianano   Ni nginya-ri mugutura muthanganiirie Njira ya Jehovah na ya ndaimono Jehova na Baali curaniai ni uriku Ngai Mumutungatagire we   2. Johana ni oninirio maroho matatu ma ndaimono Magicokereria nduriri Nake Roho ekuga moime kuo Methare matigane na mihianano   3. Kai arutani muhakitwo naki ni ngoma Muhunjagie mbaki na njohi Mwaturia andu ukombo-ini wa ngai cia mihianano Mukiugaga ni mwahonokire   4. Riathani ria Ngai ria kana ni mwarikanire Na ria keeri mukirirega Na ubatithio wa maai maingi ni mwaregire Mukoiga atia mbere ya Roho   5. Ng’ondu ciateirwo ni ariithi ni undu Wa nda na mbia magicokereria nyamu itaragia Urathi wa Ngai ukimakinyirira Uria wa Isaiya arathire   6. Thoma Isaiya mirongo itano na ithatu Muhari wa ikumi Jeremia Mugwanja na kwambiriria inyanya Kinya muhari wa ikumi   7. Roho ekuuga muturaga muturagia n...

 1.  Musa weru-ini githima kia mara  Maai marura makiaga kunyuika  Kirindi giothe gikiira Musa  Ni maruru tukunyua ki?     Ona riu maai no maruru  Kuuma micii nginya mawira-ini  Kuuma ciana kinya andu agima  Ni maruru tukunyua ki?     2.  Musa ahoya ni erirwo ni Ngai  Aikie maai muti magie cama  Aikia muti maai makiagira  Kirindi kianyua gikinyotoka.    3.  Mutumia mena muthuriwe,  Marahitania ni undu munyinyi,  Makeranaga titawe ndendaga,  Tondu maai ni maruru.     4.  Wathii Wabici ukienda uteithio,  Ugakora mundu ni murakaru,  Woiga utonye akoiga ndi Busy,  Tondu maai ni maruru.    5.  Utharia naguo no uraingiha,  Uragani uici na utunyani,  MakIgeria gukenia miiri,  Tondu maai ni maruru.    6.  Ta uria musa erirwo ni Ngai,  Aikie muti maai magie cama,  Nake Jesu ni egututhondeka, Kuria kuhita...

 1.  Maundu maingi maroneka,  Nimakuhingia irikaniro,  Mega na moru ni megwikwo,  Witherie uigue ukahuruke.    Witherie riu nindakwira,  Tondu he hitho ni hithite,  Na utheru niguo kihoto,  Witherie uigue ukahuruke.    2.  Ciugo ciake riu niihingite,  Tiga no umwe iutigarite  Aira ake maitwo thakame  Witherie uigue ukahuruke    3.  Uguo ngumwira mwimenyerere  No ndamerire andu a tene,  Metherie niguo mahonokio,  Maundu macio ni mwaiguire    4.  Matuku maya ni mathina,  Nguita maithori ngimumenyithia  Airitu ikumi ni mari ho,  Witherie uigue ukahuruke    5.  Ndingikuhitha mwendi muoyo  Rumia ciugo iria uthomaga  Iria ciaririo ni Mwathani,  Maheni ni marutanitwo     6.  Ndina kihoto ndimutherie  Niguo ndihonokerie andu akwa,  Ndina tha njigu nindakwira  Rumia kuhoya na wendani.    7...

1.  O na kwi ihoru no ndagiuka,  Ona njiyuritwo ni kieha,  Ni njuui haria unjigite  Ndimuguthaithi uronjigua     2.  Kieha na ihoru cianjiyura,  Ndaririkana wira waku,  Uria utegeirwo ni mwiki nai,  Akienda kuuthahia uthukie.    3.  Wambe uririkane muruguo,  Ugicokerera mundu thi,  Ni getha uringwo ni tha Murungu,  Ndukandekererie mwak-ini.    4.  Wi muriithi wa ruru rwaku,  Wi mwaki mwigunyi wa ciaku,  Ni gukorwo ikionja niumenyaga,  Ona igituruha no uciine.    5.  Mundu wa thi niwamethahia,  Egumagira na mwiiro,  Ndugatindirire matarania,  Na ndukagere manjitika.    6.  Kione nio aya mahoreire,  Ometereire kiugo giaku,  Magitegeire matu makiigue,  Wendo waku uria utarii.    7.  Kiigue uria matumuka moiga,  Mambararitie moko mao,  Makwariire hi ciao ukimahe,  Kiria ukuona kimagiriire. ...

 1.  Matuku ma tene Daudi oririe  Jehova mundu uria agetikiria  Gutuura Hekaru yake iria theru  Atungatagire uthamaki wake    2.  Aria oothe methi thikiririai  Kwaria kwa Jehova uria acokeirie  Ndungata iyo yari ya kwihokeka  Ngai oigire ni aria matarii ta uu    3.  Uria wi mithiire mierekereru  Na arutaga wira wothe na uthingu  Na kwaria aragia uhoro wama  Umite muthithu wa ngoro yake    4.  Ningi ndari njambio rurimi ruake  Maundu ma uhinga ndangitikira  Gwika mundu uria ungi muthiritiwe  Ciugo cia rumena ndangimukira    5.  Maitho make mona githagathago  Kia ngoro iria ciothe itakindagiria  Niaiguaga kieha na ruo ngoro  Athaithi Jehova akamakenera    6.  Mwihitwa wa ngoro yake ni wama  Ndangigarurira o na angiuragwo  Njira cia atunyani ndangiigerera  Kana athure mundu utari mwihia    7.  Kiungano-...

1.  Giathi kia Jesu gia gucoka ringi,  Kiria atwiriire agithii matu-ini,  Akaiyira aria metikitie,  Agaikare nao mucii wa iguru.    Matu-ini tugathii na Jesu,  Matu-ini tugathii nake,  Matu-ini tugathii na Jesu,  Twinake Jesu ndagatutiga.    2.  Wendo wa Jesu ni munene muno,  Atwendire twi andu athuku muno,  Niwe mwega kuhituka othe,  Jesu ekire undu wa magegania.    3.  Ahonoku othe aria a ma,  Makamuona Jesu Muhonokia wao,  Aria othe matendaga mehia,  Niagathamaka thi-ini wa mioyo yao.    4.  Ukai andu othe mwitikie,  Jesu wamukuiriire mutharaba-ini,  Niwe mwegaki kuhituka othe  Jesu ekire undu wa magegania.

1.   Jesu arikia kwambwo muti-ini niakuire  Thi-ini wa mbirira niomire akihotana    Indo ciothe niigathira,  Irima, Mikuru na andu othe.  Tugatura nake Mwathani  Tene na tene.    2.  Nionirwo ni arutwo ake,  Ona Mariamu,  Toma tondu ndetikagia uguo,  Akionio irema.    3.  Riria Jesu ambatire iguru,  Ti kura orire,  Twatigiirwo Roho Mutheru,  Atuikaragie.    4.  Twarikia gukua tugatura,  Nake Mwathani,  Tumuinire ithuothe guku thi  Mwathani witu.

1.  Moko matheri thii ouguo  Ndunge Mukuuri wakwa  Itari na ungi tukamugeithie  Nii hari thina hari nii  Moko matheri thii ouguo  Ndunge Mukuri wakwa  Itari na ungi tukamugeithie  Moko matheri thii ouguo    2.  Gikuu gutiri ndiri na nganja  Muhonokia ahonoketie riu  Moko matheri thii ouguo  Ndiriri-irie matu-ini    3.  Miaka yothe ya mehia  Ndahota gwita aria angi riu  Ndimonie Muhonokia  Ngenagio muno Niwe.    4.  Atheru arahukai  Turute wira muthenya  Gikuu ni gikuhiriirie  Turute wira wake riu.

1.   Ngurani ya mundu ya nyamu,  Ni gukurana maundu,  Ngai niakuhete uhoti,  Ukurane wega na uru,  Caitani ahingicaga mundu,  Akariganirwo ni igai.     Caitani arahura ruhi,  Watungumanio ni njohi,  Ningi watua kuriukwo,  Riria wenyita ruthia,  Wamenya mbeca iria unyuite,  Caitani no gutheka.     2.  Amwe manyuaga njohi,  Mariganirie thina,  Rucini kwaroka gukia,  Agakora thina uri o mucii,  Mbeca iria uranyuire njohi,  Ni ingianyihia thina mucii.    3.  Ngai tuteithie kumenya,  Mehia manene ma njohi,  Ni kuhuthira mbeca nyingi,  Tugatiga thina mucii,  Ngari yatwarwo ni muriu,  Yagua ikanina mioyo miingi    4.  Aria munyuaga njohi,  Kai muri na haaro,  Mwariganiirwo ni Ngai,  Mwi ikeno-ini cia thi-ino,  Mwoiga tuninwo ta Sodomu,  Na Ngai ndericukagwo.    5.  Niki kingitunyotora,  ...

1.   Mwathani wakwa no njetereire,  Uka uhonokie ngoro yakwa,  Thiino ndiri na kihuruko,  Haria ndagera no magerio.    Ngoro ya mundu iria theru,  Niyo kanitha wa Mwathani,  Itherukaga mai me muoyo,  Ngoro yaku niki yumaga?    2.  Ni ngoro ciitu ituhenagia,  Twatonga ni tukugia thayu,  Thayu wonekaga kwi Ngai,  Utonga no murimu wa ngoro.    3.  Twathina ngoro igatuguga,  Twanenehio ngoro ikahuta,  Twatonga ngoro igatuguga,  Ngoro ya mundu yendaga ki?    4.  We mwene tiwe weyumbire,  Ona indo ciombiruo ni Ngai,  Cokia ngoro ndundu wiyurie,  Ngai na indo nuu munene.    5.  Gitonga kiria kia Lazaro,  Ona kiari na indo nyingi ma,  Giakua ni giaikirio mwaki-ini,  Ni kwenda indo gukira Ngai.    6.  Onginya Athamaki aria nene,  Ngoro ciao itihurukaga,  Niundu wa kunyarirwo ni andu,  Ngoro ya mundu...

1.  Ndumiriri ya Jehova ikuuga uu!  Ukira wirugamie na maguru maku,  Tondu ningwamurite na gitumi giki,  Ngakwamura utungate na utuike muira,  Wa maundu wanona na maria ngakuguuriria.    Kai ugutura uhuraga mucengi na hati?  Ironda na ruo, na wonje no ciaku,  Ninjiguite mugambo niguo ngugukinyiria,  Ukira wirugamie na maguru maku,  Tiga kuhura mucengi na hati    2.  Ndumiriri ya Jehova ikuuga uu!  Ukira wirugamie na maguru maku,  Tondu ningukurite na ngakugitira  Kuri andu aria ngagutuma kuri o  Ugatuika ndugata na utuike muira wakwa.    3.  Ndumiriri ya Jehova ikuuga uu!  Ukira wirugamie na maguru maku,  Niguo ukahigura andu othe maitho  Niguo moime ndumaini magarurukire utheri  Moime hinyaini wa shaitani macokerere Ngai    4.  Ndumiriri ya Jehova ikuuga uu!  Ukira wirugamie na maguru maku,  Ugatume andu othe makona wohaniri  Mehia m...

1.  Munabii Isaya mandiko-ini akimenyithia andu othe  Mukuri wa andu niagacoka munene wa thayu  Tukamuona agithii agicoka tumuone riera-ini    Rugama wega thi-ini wa Jesu umenyithie andu othe  Mundu muhonoku utari uira aturaga nduma-ini  Nake uria uegete nietereirwo ni mwaki kwa ngoma     2.  Munabii umwe akimwira ni ngukurumirira  Nake Jesu witu akimwira nyoni iri na itara  Mbwe ina marima no nii mwene ndiri ha nguikara    3.  Zakayo amenya ndari amuona akihaica muti  Nake Jesu witu akimwira haruruka narua  Haruruka narua umuthi ninditonya gwaku    4.  Niunyitite kandi ya uhiki ucio wa Gaturume  Tondu na kuu nja ya uhiki arogi na itharia  Aici na atunyani na magui makahigirwo nja.

1.  Roho Mutheru erirwo matuku maria  Eguikara guku thi onanie njira    Guku thi kwi mutino tondu wa araika  Aria Ngai agatuma moke mehie thi    2.  Roho niekwanirira mugambo wama  Aria othe me guku thi maigue gwi ciira    3.  Gukena ni aria megukua me thiini wake  Roho ekuga iniguo makahuruke    4.  Niakarehe kihiko kia andu aria atheru  Matwarwo ni Mwathani Jerusalemu.